sallee zämä
so, i schribä doch mau mi erscht blog itrag. u zwar nid öppä vo london, singapur oder sidney us, nei, us em schönä bern, im büro vom mami ar mittustrass.
das flügzüg us london, wo mi widerum uf london hät söue steue isch eifach nid am start gsi, bzw. 2 stung ds spät. u so hät i haut mi aschluss flug ds london für uf sidney vrpasst. ds frolein ;-) het zwar zersch gmeint es längi de scho, müess haut eifach de chle tiffig secklä u i sig ja no ä jungä bursch. aber wo i de im roucherstübli am flughafä di zitä nomau dürä bi, hani mit mim super chopfrächnä festgsteut, das i ja no gar nid glandet wär we dr aschlussflug scho ir luft isch. iu, dä hät de aus rennä nüm bracht u sowiso, ma doch nid i de flughäfä umerennä, hallooo, i ha ferie, wenschon söuä si mi tragä :-)
ds frolein het mir du de o rächt gä u drum flüg i haut ersch hüt, nüm via london u singapur, nöi über frankfurt u tokio.
für mi passts, ha so nomau zyt gha uf bern ds cho u liebi fründä ds träffä bevors its de würklech los geit.
merci pato u remo für d'übernachtigsmüglechkeit u aunä für ä härzlech empfang, het mi risig gfreut! sit äbä scho au di geilschtä!
jäh, das wärs fürs erschtä. dr nächscht itrag söt de nüm us dr schwiz cho, aber mi weiss ja nie.
mis fazit: ha ja scho vo afang a gseit das i am mäntig am 29.01.08 flügä ;-)
cheers
4 Kommentare:
Hallo Pasci,
wie mir ghört hei, bisch nach dim fäustart doch no via tokio, new york, moskau u de falkland insle in christchurch aacho !
mir si scho chlii niidisch, dass du jetze uf üsne schpuure chach in nzl umereise ! ;-(
Auso hie e gheimtipp; unbedingt AKAROA bsueche, isch d'haubinsle vor chistchurch, dert seisch bim schwümme aune Delfine e schöne gruess vor bettina u em felix
viu schpass !!
sallee zubis
merci fuer e tipp. i bi doch tatsaechlech o ds akaroa gsi. zwar nid mit de delfine ga schwuemme, aber ha se vom boot us bewunderet. isch super gsi u akaroa definitiv es huebsches doerfli :)
cheers
Hallo Paschgi
Schön z ghöre dasses dir guet geit ir Ferni. Ga ämu geng chli uf di Blog ga luege was du so machsch :) Das Biud mit de Delphine gseht ja ächt mega schön us...und mir arme Tröpf hocke hie ir chaute CH...eh nu..
Auso take care und bis gli gli
Liebe Gruess
Nath*
hey sallee nath
chumae aendlech mau drzue o dir merci fuer ae comment d saege.
het mi sehr gfroeit. isch immer wider schoen so nachrichte vo luet vo deheim ds ghoere. o wenns chauti nachrichte si :)
hey, dr fruehlig "nath" ja bi oeich, gniessetne, au zaemae!
de chunnt mir grad i sinn: it's spring again, everybody knows it's spring again, for all the girls and boys above, it's time to fall in love *sing*, hehe...
Kommentar veröffentlichen