what the hell is pascal doing??? ;-)

das tueni fuer diejenige wo mi blog doch no nid ganz hei ufgae widereinisch gaern beantwortae.

was bisher geschah:

KANGAROO ISLAND
va adelaide us hani ae 2-tages tripp uf die inslae gmacht. isch hammer gsi. i bi i mittae vo seeloeie ghockt, ha extrem viu kangaroos u wallabies gseh u sogar koalas. iu, u pinguine ono grad. isch aebe no wiudnis pur doert. am abae irgendwo ds mitts uf dr inslae hani am lagerfuer vrsuecht "ditscheridu" ds spilae, ha aber totau vrseit, isch no so schwaer. am glich abae hets wider einisch es barbecue gae, u waehrend dessae si mir vo opposums umzinglet wordae. die vicher, so chle groesseri rattae, kennae nuet, si ues uf e tisch gsprungae, u ir nacht isch sogar eis bi eirae ids naescht gumpet, hehe, zum glueck hani disesmau obae pennt. aja, u gsandboardet hani ono, duene ds drab, i dr little sahara, isch ono so spassig gsi. hmmm, so es mu vou sang het no niemerem gschadet. u au die edle usblickae ar kueste u ueberhoupt, isch geniau gsi. fuer mit the real australia.

SYDNEY - MANLY
bi du de nach em trip vo adelaid us uf sydney gflogae u mit dr faehri grad uf manly. isch super dr usblick uf d harbour bridge u ds operae hus, vou dr blickfang, weri naeis. ds manly hani naer es paar taeg uf d moendlae gwartet. bi mit em nae hollaender, em nick, umeghaenget, viu sunnae tankt u ha mi im meer vo ussae abkuehlt u mit em nea chuelae bier vo innae. d moaendle isch du de itrudlet u de hey mir ds zweoit no es paar taeg ds manly dra ghaengt.

SYDNEY - MEETING THE OTHERS
gli drufab hei mir de o grad dr gees u dr sven troffae, wo bim john, bi eim wo ds sydney wohnt u si vo fruecher kennae hei doerfae loschierae. u dr john, d liebenswuerdigkeit in person het moendle u mi du de o grad bi sich la wohnae. sou guud.

SYDNEY - KINGS CROSS CARMARKET
hei ei wuchae lang tagsueber vrsuecht dr van vom gees u em seven ds vrchouffae, da das numae ae zwe plaetzer isch gsi u mir ja ds viert hei woeue witerreise. hei i derae phasae nid viu tagesliecht mitbrcho i daem 2. ug vorae isteuhauae. da chuma chundschaft isch abae cho hei mir viu gjasset u trunkae, wasser vrsteit sech, muahaha. nach eirae wuchae churz vor em dueredraei hei mirs ufgae u ae sitzbank la inaemechae. aendlech hei mir witerchoenne. sydney isch ae wahnsinns stadt, aber nach totau drue wuchae hanis gseh gha. si du de am ne samschti oder sunnti witer, u das uesi wuchae saechs samschtis het u ei sunnti weiss i saeuber nuem so genau wenn ;-)

NEWCASTLE
1. stopp. si am aebe einisch acho. isch aemu scho dunku gsi. u das isches hie bereits am saechsi. u was chamae gross machae wes dunku isch. iu, mir hei ues fuer zum apero es slab (24 stubbies bzw. flaeschli) bier kouft u si du de ines irish pub i usgang. iu, chunnt mir grad sinn es isch samschti-samschti gsi. u am naechscht tag si mir glich fruech uf u witers.

COFFS HARBOUR
2. stopp. nuet spektakulaers. hei hie haut eifach zwe gratisnaecht vo uesem araschmon wo mir d sydney no buechet hei gha. wobi, die erschti u bishaer einzigi schlangae hani hie im botanisch gartae gse, so gwunnae :). iu, tagsueber wird haut dr ort uskundschaftet u das am saechsi scho wider dunku wird, isch um die zyt haut huefig beer o'clock

BYRON BAY
hie hei mir drue naecht vrbracht. es super, chlises u auternativs staedtli mit emnae u schoenae strand. herrlechi sunnaeuntergaeng u usgang het o gfaegt. hei no ae churzae trip uf nimbin gmacht. es dorf wo sech biudet het nach emnae festival duer es paar hippies wo eifach nuem hei hei woeue. churz, byron bay, es highlight.

SURFERS PARADISE
180 grad waendig zu byron bay. ae u laenge strand mit eim hochhus nach em angerae. ds miami vo oustralie. het mir weniger passt. aber hei o hie es super irish pub mit live musik gfungae :)

BRISBANE
1 nacht im ne wuaeschte backpackers irgendwo im chinatown viurtu u drue naecht bim ne iheimische wo dr seven duer ne kolleg kennt. isch haut eifach ae grossstadt, chunnt a sydney laengscht nid haerae. am beschtae het mir ds aussie rules football spiu gfauae wo mir si ga luegae u dr eint nami wo mir am ne kuenstleche strand ds mitts in brisbane grad naeb em fluss vrbracht hei.

NOOSA
no chle chliner aus byron bay, chli u ruhig. si 2 naecht hie blibae. het ae u schoene strand gha wo me numae zuchae chunnt we me duere nationalpark louft. u die si ersch no fasch moenschelaer. u wider es koalabaerli gseh. scho gwuesst, eukaliptus isch ja giftig, u das fuer nes koalababy no ds giftig isch issts haut am afang dr "stueugang" vom mami um sech dra ds gwoehne, mhhh fein.

HERVEY BAY - FRASER ISLANDS
vo hervey bay si mir uf d fraser islands. si ae gruppae vo 11 luet gsi. isch u schoen gsi, vorauem d seenae. drue hei mir gseh u au si u klar gsi. am abae isch jewius unger dr gruppae am lagerfuer chle gfeschtaet wordae. u zruegg ds hervey bay hets zum abschluss no ae karaoke abae gae, wobi numae dr gees u i gsungae hei. die angerae si ds feig gsi.

BUNDABERG - AGNES WATER - ROCKHAMPTON - MACKAY
si vier witeri stationae wo mir hei gmacht, wobi mir its no ds mackay si. ds bundaberg hei mir ues vom fraser island trip erhout, fraser isch chle festival maessig u drum liecht sueffig gsi. hei ues o zersch mau es motel gleischtet u hei festgsteut das es vom pris haer duer drue personae, dr seven pennt immer im van, fasch uf e glich pris chunnt. agnes water widerum es motel. wider am strand. wieder am saechsi dunku... ha aber mit dr moendlae no dr ganz strand abgloffae. u de isches einisch nueme witer u mir hei ues duerae bush kaempft das ues agschisse het zruegg ds loufea. i, mit mirae arachnophobie, brrrrr. aber i laebe no, juhuuuu. rockhampton isch d beef capital of oustralie, drum hei mir hie o beef gaesse u si wider einisch i irish pubs. u sit geschter si mir ds mackay.

gratulierae, wes de bis da abae bisch cho mit laese hesches gschafft. beoe. so guet.
vrsueche its chle flissiger, so einisch ir wuchae, es brichtli ds schribae.

u we dir no frage heit, oeppis usfuehrlecher beschribae wettet ha, maeudet nech doch eifach :-) mail: franz.pascal@gmail.com , mis aussie mobile: +61406371109

have a good one u cheers

oeie p ungae drunger

p.s. ds biud isch vo fraser island, dr lake mckenzie

kiwis si gschicht, its si d kangaroos am start

kia ora (heisst so viu wi sallee zaemae uf maori-ianisch :)
hmm, aber i bi nid mau meh in neuseeland, naemlech. isch its no so tiffig vrbi gangae die zyt. what haeppen?

eja, i daenke es macht ke sinn doert ds hoere woni ghoert ha. schuesch gits immer numae gschichtae us dr meh entfernterae vrgangae heit, aber i daenke es macht nid viu sinn. drum fani its mau mit mirae zyt in oustralie, just all good.

auso, bi am 17. maerz ds melbourne acho u ha de usserhaub vom flughafae o grad so ae chlinae shuttlebus gseh wo st. kilda isch drufgstangae. das viurtu isch mir vo viunae empfohlae wordae. dr fahrer het mi aeuae de o gfragt ob i wot mitfahre: "you, xyz xyz xyz....., st. kilda?" isch mir aemu aus fragend ueberecho, u sehr hiufrich isch o gsi das er mit em finger uf mit het zeigt. bini aemu sicher gsi das er oeppis vo mir wot u nid oeppis vor sech haerebrumlet. i de so mit mim perfektae aenglisch u mit emnae smile im gsicht> "oehm, ja, aehh, yes please". eja, het aemu schlussaendlech klappt u aer het mi nach st. kilda gfahrae. u da i nuet ha im vorus ha buechet gha, u aer het gmeint das aus very buisy isch, auso zimlech vou, fuer die wo ds englisch no nid so beherrsche wi i, het aer mi vor em "the oslo hotel"-backpackers la usstigae, so wit isch aus sweet azz. u sweet azz isch so zimlech aus was guet, geil, schoen usw. isch, kiwi slang aebe, womi haut einehaub monet praegt het.
item, ga auso i das backpacker, zahle drue naecht im vorus, u steue gli drufab fescht, das das aeuae die siffigschte (umgs. fuer ecklig) ruemlechkeite si gsi woni je drin pennet und duschet ha. eh nu, uf dae shock bini mir de mau es sixpack vb's ga poschtae, ha mir ae gmuetleche aebe gmacht, u de isch de das nur no haub so schlimm gsi :)
item zum zwoeite, us denae drue naecht i daem soustau si haut de glich saechs wordae, bi haut ersch am drittae tag mini witerreis ga buechae, u wenns de haut heisst das ersch am sunnti es plaetzli im bus frei isch, tja, hani haut no drue naecht meh doert vrbracht. mi gwoehnt sech ja o fasch a aus. u schlussaendlech hei mi geng no keni bedbugs (bettchaefer, fuer die nid aenglisch versierte) bissae, u das fingi, was daenket dir, ja genau, sweet azz bro, it's all good.

aja, st. kilda, es schoens auternativs flaeckli vo melbourne, melbourne ae grossi stadt, viu hochhuesser, viu luet, viu kaffees, wimes so kennt vo de biudli u dr paschgi choufft sech zwe pulli i, macht nid wuerklech sinn im heisse oustralie daenket dir, heit dir raecht. aber ke zyt da noecher drufidsga. choeme mir zum erwaehnte sunnti.

wobi, am samschti bini zersch no uf d phillip islands ga ne pingu parade luegae. isch herrlech. bi sunneuntergang watschle di pingus i chlinae grueppli us em meer uebere strand zu ihrne hoehline oder schlaffsteue u blibae sta. jöööööööööööööööööh, isch auso wuerklech haerzig gsi, u das isch mir sogar es copypaste vom ö waert gsi.

a daem tag hani o mini erschtae kangaroos gseh, aber nid wiudi, so im ne strichuzoo haut, aber naer ab dr reis vom sunnti ueber d great ocean road u ueber d grampians (das isch waud, gaaaaaaanz viu waud) uf adelaide, hie bini uebrigens grad, hani se de o wiud gseh. isch tiptop so, mi freut sech druf u gseht se im zoo, park, whatever, vo ganz noechem, het freud, me strahlet, macht foeteli, mi fuetteretse, u foeteletse nomau, u nomau. u de gseht me se in wiud, u macht wider foeteli u isch froh, se o wiud ds gseh, wo si sech frei bewege, u daenkt sech, isch das its aus gsi, wasi mit kangaroos cha machae u wini se gseh? noe nuescht. i ha se du de o gaesse. so a la, ich kam, sah und ass sie, hehe.

isch nid so schlaecht so kangaroomeat. wobi, i muess es de no mau probiere, wenns nid so trochae duraebraetlet u mit zimlech schwarzer chruschtae isch. u das bringt mi zur naechschte story, nid wahr. mir si auso i daem grampians national park, im ne chlinae putzigae doerfli im niene. umgae vo waud, papageie i de boeim wo wi affae toenae u x kangaroos wo ir sichtnoechi am grasae si. hae, da stunet dir (oder it's stunning, fuer die wo lieber aenglisch hei) isch wuerklech ae super kulisse gsi. u de hets abe a daem aebe es barbecue gae. u uesi busfahrerin het aus das vilae fleisch eifach so uf ae grill gschossae, so ganz lieblos, ohni gfueuh, aus ueberenang u chruz u quer u i has eifach nuemm mit choenne aluege. so ha i mir ir chuchi dr grillzange u es vb (victoria bitter, bier) ghout, u ha das richtig afa bueschelae. wi sechs ghoert, d frouae drin ds gmuess am schnaetzle u i dus am grill, hoeuhoeuheou (tim taylor maessig bitte). bi nid ganz allei gsi, ae duetsche het ono woeue mitmischae, aber daem hani de schnaeu zeigt waer ds zepter ir hang het.
i ha das auso bueschelet, winis vom mi master, thanx dad, ha glehrt u zum fleisch gluegt. u hie u das es fleisch draeit wou dr gas grill isch doch zimlech heiss gsi u ab und zue hets duers fett no es flaemmli gae. u mit hets ja nid gaern akohlet oder. u de chunnt die busfahrerin wider u schmeisst no meh fleisch druf, wider so ueberenang u duerenang u seit zu mir, i soeu nid so mit em fleisch spilae. halloooo, i mit em fleisch spilae, schliefts. es deluxe barbecue wot i nech zaemae zouberae, feins zarts kangaroo fleisch, liecht bluetig und und und. aber tshue, i u mit fleisch spilae, das lani mir auso nid zwoei la mau saege u bi liecht beleidigt drvogloffae. u was het meh drvo: zum aesse gits trochnigs fleisch u vrchohlet, i wot its nid igebiudet si, aber i haets definitiv besser haere brcho, naemlech.

so, i steue grad fescht das i extrem mued bi u mini barbecue gschicht nid das haere git woni afangs daenkt ha. e nu, loesche manis o nuem.

bis gli, haebet sorg, gniesset oei bedbugs freie better.

liebe gruess us adelaide

p.s. foti fuegi morn eis drzue, brchumae wider einisch d spichercharte nid usae. mit dr pincette geits aber, aber wi gseit, bi fulae, drum morn...

whats happen (aber bitte mit franzoesischem akzaent)

hey sallee zaemae

laeck, isch scho es zytli haer woni mi letscht post ha gmacht, wats aeppen, es het doch no nid a jedem straendli, bay, beach oder bitch wi mi french mate loic es nennt aes peceli mit internet am start :)

item, ds letscht mau bini no ds dunedin gsi, i wuerd die zyt mau d spitauphase nennea, u mir si beidi froh gsi si mir doert mau furt cho. ha d baldwin street de mau la strass si u se vrpasst. obwou, bi scho im visitor centre gsi u ha gfragt wo si isch, aber da si ds fuess ds wit waeg waer gsi, u i nid bi nachae cho wo duere bi daem kiwi aenglisch, ha ne drum nid no es dritts mau woue frage. noe nuescht. a dere steu, thanx zubis, si fuehre d lischte mit de kommentaer ah. numae meh drvo, I laik.

hehe, i gloub das choennt no ae laenge post waerde, aber i schribae its eifach mau druf los nid wahr, choeits ja minetwaege usdruckae u deheim im bett oder uf em huesli laese...

aja, bevor mir vo dunedin si loszoge si mir no uf otago peninsula. irgendwie wunderbar isch das gsi. ha hie o die erschte seeloeue gseh, albatrosse leider keni. i bi du de allei am sandfly bay chle ga umeloufae, dr loic mit sim laediert fuess u desorientert vor medizin bzw. bloody high, het leider muesse bim u im van blibae...
hie bini de am ne witere seeloeu begaegnet, es het vo witem zwar eher nach emne tote, brune stueck fleisch usgseh, aber es het sech du de doch bewegt woni nur no e schritt vonim bi entfernt gsi. aber numae liecht, so ae flossaebewegig a la "he far ab du turifurz, u la mi la pennae". irgendwie het er mi grad a loic i sim rusch erinneret, eja, isch fies, sorry... bi du de witer gloffe u de o scho uf ae naescht seeloei troffe, dasmau ae wisse. u da i drvo bi usgange das die vicher auae au wi bekifft u liecht i trance si, bini o wider extrem nach zuche, ha ja schliesslich es super foeteli woue machae. bad idea. wehee, die feisse tier si doch zimlech schnaeu u mit eim hops scho zimlech noecher a eim. u ae rise schnuerrae hei si ono drzue. bi du de es paar schritte zruegg u ha du de o begriffe werum si eim uf de schiudli warne, bitte 10m abstand zu de seeloeue haute u nid zwuesche si u em meer sta. eja, no risk no fun. d pinguine, dr grund das i eigentlech a dae strand bi, hani leider nid gseh. aber isch doch es boeimigs erlaebnis worde.

hmm, ei chlini story u scho so viu text. aeaehhh, soeu i its scho hoerae oder nid... jaeh, wot glich no chle me loswaerdae...

witer richtig suede si d catlins, hie hani mi erscht u bis its einzig pinguin gseh, u das no vo witer distanz, eh nu, ha glich es strahle im gsicht gha. i de catlins hei mir oeppe die ae chline walk gmacht, zum ne wasserfau, zum no lookout zum ne bitch, isch u schoeni gaegend, aecht its, super sach. hie hei mir de o ds erscht mau nid am wasser pennt, si zwar uf em waeg ane abglaegene strand gsi, aber dr waeg isch immer houperiger u steiniger u fuer ne van unpassierbarer worde. u das scho bau dunku isch gsi hei mir ues entschide a ort u steu ds pennea. irgend uf ere farm zwuesche hunderte vo schaf. mau oeppis angers. u hie het das o mit denae scheiss (sorry fuers wort) sandflies agfange, "fucking animals" (aber bitte mit franz. akzaent).

de bisst di sones viech, naer realisiersch, ok, villech soet meh sech mau ispraieh, bis denn bisst di no es zwoeits. u das passiert je nach ort jede morgae u abae, d wuerkig vom spray isch aebe numae 8h. u so ne biss, hingerlat eifach e rote punkt, iu, chame so saege, u dae rot punkt isch am naechscht morgae nid waeg, nei, ds erschte viech het sech nach wi vor uf mim bei verewigt, u viu witeri hei sech agsammlet. yeah, looks nice.

iu, das zu de catlins, im naechschte kapitu erfahret dir meh ueber ds fiordland, queenstown, westcoast und und und... mache hie mau schluss, ha ke kohle me uf dr charte. seich das.

its luegi no ob i es foeteli cha ufeladea, u de goenne mir ae zigi, ae saeuber traeiti vrsteit sech, mini camels si mir scho lang usgange. isch nid mau so eifach so ne ziggi ds draeie, aber drfuer het me nid numae rouch u nikotin, sondern spannig, bastlerei, rouch u nikotin, da lohnt sechs doch ersch raecht 20 dollar fuer 30 gramm taback usdsgae. am afang hani numae so fetti boby (marley) joints haerebrcho (i redae hie numae vor form mam, i konsumiere ke kanabis ;-) u so ne zigi het nid lang haere. its brchumi se scho duenner haere, aber ir mitti hei si geng so ne hoger, so ungfaehr wine schwangeri zigi wuerd usgseh. aber irgendwie brchumi das de schono haere.

aja, im momaent bini wider ds christchurch, wo mini reis het agfange. aber nid lang. morn fluegi bereits uf auckland, northern island I'm coming...

auso, bis gli, sid lieb zunenang, blibet gsung u schribet comments, wuerd mi freue!!!

ps: i bringe mini spichercharte grad nid us dr cam, unfaehig i weiss, drum gits es biudli us em internet. u de muess i no grad bichte, das vo de delphinge isch o nid es biud vo mir. ha drum mis vrbindigskabu vor cam zum pc vrlore. hie haets its mau d mueglechkeit d spicherchartae diraekt inetsue, aber aebe, chlobigi finger, wats happen..

es git mi no, wes nich nid stoert :-)

sallee zaemae

heit dir scho gwuesst, uf neuseelaendische tastaturae gits keni aes, ues u oes. isch ae risae seich das. wennigschtens ds ae haettae si doerfae ibouae. u ds z uds y hei si ono vrtuscht, total bloed nid ;-)

eja, i vrzeuae oeich doch mau was so isch gangae (u i blibae bim baernduetsch, i weigerae mi hochduetsch ds schribae :-)

i bi auso letscht donnschti, am 31.01., ds chrischtchilae acho u ha o scho gli mau es backpackers gfungae, das nachdaem i vom eintae backpackers us wo ke platz meh het gha am ne angerae ha agluetae, hei, u das uf aenglisch, u es het klappt, laeck hani schris, ds erschtae erfougserlaebns...

hie het dr franz de o ae franzos kennaeglehrt, dr loic, u mit ihm bini de mau its stadtzeantrum ga es bierli zwoei trinkae. si du de im micky finn's glandet (merci remo fuer e tipp). hey chle ar liveband zueglost u isch du de o spaet wordae am erscht abae. drfuer bini am tag druf scho am fuefi am abae ga ligae.

item, mit em loic hani its ae van gmietet u mir si sit em samschti zaemae ungerwaegs. vo christchurch uf akaroa, wo mir ae chlinae boottrip hei gmacht u gaebig viu delfine hei gseh, super gsi, its si mir mitlerwilae ds dunedin ungae. wo mir ues scho nach zwe naecht im van wider e nacht imne backpacker goennae. isch super so im van ds uebernachte, am ne schoenae plaetzli grad am meer, eifach herrlech mit daem panorama! mit em loic wirdi its d suedinslae berreiseae bis am 21.02. heis guet zaemae, aenglisch isch nid so sini staerki, aber choei ues glich guet ungerhautae, i cha ja o chle franz, ha ja schleisslich ds delf, nid wahr ;-)

huet nami, auso maenti nami, hani dr loic its spitau begleitet, er het ae wundae am fuess wo sech entszuendet het. u da ds spitau ono grad ae euterae duetschae herr aus patient het brcho, dr herr H.B. (name der redaktion bekannt) wo kes wort aenglisch vrsteit hani doerfae uebersetzer spilae. uebersetzae wo ihm was weh tuet u sit wenn usw. het mi gfroeit hani ihm choennae haeufae, isch no so ae spezieui erfahrig gsi, drum schribi das o hie...vo dunedin hani drum no nid so viu gseh, was mir aber huet abea u morn nacheholae.

so, ga its mau es bierli ga trinkae :-)

cheers, haebet sorg, blibet gsung

d'abreis het sech vrspätet, kennsch?

sallee zämä
so, i schribä doch mau mi erscht blog itrag. u zwar nid öppä vo london, singapur oder sidney us, nei, us em schönä bern, im büro vom mami ar mittustrass.
das flügzüg us london, wo mi widerum uf london hät söue steue isch eifach nid am start gsi, bzw. 2 stung ds spät. u so hät i haut mi aschluss flug ds london für uf sidney vrpasst. ds frolein ;-) het zwar zersch gmeint es längi de scho, müess haut eifach de chle tiffig secklä u i sig ja no ä jungä bursch. aber wo i de im roucherstübli am flughafä di zitä nomau dürä bi, hani mit mim super chopfrächnä festgsteut, das i ja no gar nid glandet wär we dr aschlussflug scho ir luft isch. iu, dä hät de aus rennä nüm bracht u sowiso, ma doch nid i de flughäfä umerennä, hallooo, i ha ferie, wenschon söuä si mi tragä :-)
ds frolein het mir du de o rächt gä u drum flüg i haut ersch hüt, nüm via london u singapur, nöi über frankfurt u tokio.
für mi passts, ha so nomau zyt gha uf bern ds cho u liebi fründä ds träffä bevors its de würklech los geit.
merci pato u remo für d'übernachtigsmüglechkeit u aunä für ä härzlech empfang, het mi risig gfreut! sit äbä scho au di geilschtä!
jäh, das wärs fürs erschtä. dr nächscht itrag söt de nüm us dr schwiz cho, aber mi weiss ja nie.
mis fazit: ha ja scho vo afang a gseit das i am mäntig am 29.01.08 flügä ;-)
cheers